اخبار الشارع صورة وتعليق
**********
✵ الصورة الاولى من موكب مدينة ربك (حشد كبير ودقة تصوير واعلام وهتاف) وبصراحة المصور قدر يختار زواية تديك احساس انك سامع الهتاف وللامانة ناس ربك كان حضور في كل المواكب السابقة وشغالين شغل جميل جدا (لهم كل السلام والمحبة) ….
✵ الصورة التانية من جمهورية الكلاكلة (اي لجنة من لجان الكلاكلة رافعا علما) وناس الكلاكلة لو اتحدوا في شغل واحد براهم قادرين يسقطوا براهن فما بالك انهم البارح اشتغلوا مشترك مع تنسيقيات غرب وجنوب (قفل واحتفل) …
✵ الصورة التالتة ثوار ندينة السوكي اصروا الا يسجلوا اسمهم مدينتهم في دفتر الحضور الثوري لموكب 6 ديسمبر واختارو اللقطة الجميلة دي انهم يتصورو فوق عبارة ويرفعوا لافتة (مبروووم وننتظر منكم شغل اكبر لقدام ان شاء الله) …
✵ الصورة الرابعة ل(جمهورية الحاج يوسف) وخلوني احكي ليكم قصة (في واحد من المواكب السابقة كلفو اتنين عساكر انهم يراقبوا موكب الجحفان ويرفعوا المعلومة قبل م الموكب يطلع كبري المنشية … اها العساكر قاعدين في جمبة قهوة منتظرين الموكب سمعوا هدير ذي اارعد لمن اتلفتوا لقوا اللافتة دي قدامهم … اها واحد منهم قال للتاني ارح يازول نراقب شنو دي جمهورية كاملة) …
✵ الصورة الخامسة من موكب الناس المشو القصر امس وهي ايقونة صور موكب يوم امس لانه عندما يقف شاب ثوري بهذه الطريقة في وجه الشرطة فنحن لا محالة منتصرون منتصرون …..
سلام ومحبة
مهادن الزعيم
